له ایران او پاکستان څخه له ۱۰۰۰ زیاتې افغان کډوالې کورنۍ هېواد ته راستانه شوي دي

د باختر دولتي خبري آژانس راپور ورکړی چې پرون له ګاونډیو هېوادونو، ایران او پاکستان څخه، له ۱۰۰۰ زیاتې افغان کډوالې کورنۍ افغانستان ته راستانه شوې دي.د دې راپور له مخې، چې نن (شنبه، د غبرګولي ۱۰مه) خپور شوی، ټولټال ۱۱۰۷ کورنۍ په یوه ورځ له بېلابېلو لارو هېواد ته داخلې شوې دي.باختر زیاتوي، چې دغه کورنیو ته د هېواد د داخلېدو پر مهال د اسلامي امارت له لوري مرستې ورکړل شوې، خو د مرستو څرنګوالی نه دي روښانه شوي.یاده دې وي چې په وروستیو میاشتو کې له ګاونډیو هېوادونو، په ځانګړي ډول له ایران او پاکستان څخه، د افغان کډوالو د بېرته ستنېدو لړۍ چټکه شوې ده.