په جلال‌آباد کې بنګونکې پېښه؛ یو ځوان خپل مور او پلار وژلي او بیا یې ځان وژلی

ځايي سرچینې په ننګرهار ولایت کې وايي، یو ځوان په جلال‌آباد ښار کې له چړې کار اخیستی، خپل پلار او مور یې وژلي او وروسته یې ځان وژنه کړې ده.
د ننګرهار د امنیې قوماندانۍ ویاند سید طیب حماد نن (شنبه، د غبرګولي ۱۰مه) دا پېښه تأیید کړې او ویلي یې دي چې د دې جنایت د انګېزې او جزئیاتو په اړه څېړنې روانې دي.
پېښه تېره ورځ ماښام د جلال‌آباد ښار د پنځمې امنیتي حوزې اړوند سیمه کې شوې، خو تر اوسه د دغه ځوان د هویت او رواني حالت په اړه کره معلومات نه دي خپاره شوي.