طالبانو درې کسان، د یوې ښځې په شمول، په بدخشان او لغمان کې وهلي

د طالبانو سترې محکمې خبر ورکړی چې درې تنه، چې یوه ښځه هم په کې شامله ده، نن (دوشنبه، د جوزا ۱۲مه) د بدخشان او لغمان په ولایتونو کې د خلکو پر وړاندې دورې وهل شوي دي.د دې ډلې د اعلامیې له مخې، دا کسان د “کور څخه تېښته”، د الکولي مشروباتو خرڅلاو او “انسان تښتونه” په تور محاکمه شوي، او وروسته د خلکو په حضور کې دورې وهل شوي دي.طالبانو دوی ته دوه کاله بند او ۳۹ دورې سزا ورکوي، چې دا حکم نن عملي شوی دی.په ورته وخت کې، د ملګرو ملتونو د بشر حقونو ځانګړي راپور ورکوونکي، ریچارد بېنټ، دا ډول بدني سزاوې یو ځل بیا غندلي دي.نوموړي په خپل ایکس (پخوانی ټویټر) حساب کې لیکلي چې تېرې اوونۍ طالبانو لږ تر لږه ۶۳ نارینه او ۴ ښځې د خلکو په وړاندې دورې وهلي دي. هغه ویلي، دا ډول سزاوې په ۲۰۲۵ کال کې اندېښمنوونکې زیاتې شوي دي. بېنټ ټینګار کړی چې په اوسني وضعیت کې هېڅ پناه‌غوښتونکی باید په زور بېرته افغانستان ته ونه لېږل شي.