د ننګرهار سیمه ییز چارواکي وايي، د دغه ولایت په نازیانو ولسوالۍ کې یو ځوان هلک او نجلۍ د نامشروع اړیکو په تور وژل شوي دي.
د ننګرهار د امنيې قوماندانۍ وياند عبدالبصير زابلي وايي، چې دغه پېښه نن سهار شاوخوا نهه بجې د نازيانو ولسوالۍ په “ميلوي” سيمه کې رامنځته شوې ده.
زابلي زياته کړه چې دغه دوه ځوانان د نجلۍ د تره له خوا وژل شوي دي.
ویل شوي، چې دغه کسان د ټوپک په ډزو وژل شوي دي.
د ننګرهار د امنيې قوماندانۍ وياند وايي، چې د دغو دوو ځوانانو په وژلو تورن کس له سيمې تښتېدلی دی.
پر افغانستان د طالبانو د دوه کلنې واکمنۍ پر مهال سلګونه کسان د نامشروع اړیکو په تور نیول شوي، شکنجه شوي او وژل شوي دي.
