د کډوالو نړیوال سازمان: په افغانستان کې له پنځو میلیونو زیات وګړي د چاپېریالي ګواښونو له امله زیانمن شوي دي

د کډوالو نړیوال سازمان (IOM) ویلي، یوازې د ۲۰۲۵ میلادي کال په لومړیو دریو میاشتو کې له پنځو میلیونو زیات کسان د افغانستان په بېلابېلو سیمو کې د چاپېریالي ګواښونو له امله زیانمن شوي دي.دا شمېرې د دې سازمان د “د افغانستان د اقلیمي زیان‌منې د ارزونې دویم پړاو” په راپور کې خپرې شوې دي، چې د غبرګولي په ۲۷مه (سه‌شنبه) خپور شوی دی.د راپور پر بنسټ، د همدې موده کې تر سره شوې ۷۹ سلنه کورنۍ بې‌ځایه کېدنې د اقلیمي پېښو لکه وچکالۍ، سېلابونو، درنو واورو او نورو طبیعي آفتونو له امله رامنځته شوې دي. دغو پېښو لږ تر لږه ۳۹۶ زره کسان اړ کړي چې خپلې سیمې پرېږدي.IOM زیاتوي، دا اقلیمي ستونزې نه یوازې د خلکو د ځای‌بدلون لامل شوي، بلکې د کورنیو د خوړو امنیت ته هم جدي زیان اړولی.سازمان خبرداری ورکړی، چې د روان میلادي کال له پیله، د خوړو نه‌خوندي‌والی، په ځانګړې توګه په زیان‌منو ټولنو کې، یو له سترو انساني ننګونو بلل شوی دی.